Termi “manipulues” ka një konotacion negativ. Kur i referohemi dikujt dhe themi se është manipulues, zakonisht mendojmë se është një partner, mik ose koleg i keq. Megjithatë, jo të gjithë janë kaq të këqij. Ka njerëz që bëhen manipulues pa dashje, për shkak të pasigurisë së tyre, dhe kjo mënyrë veprimi mund të kthehet kundër tyre. Por le të shohim se cilat janë pesë shenjat e zodiakut që e kanë këtë tipar dhe nëse e përdorin atë për mirë apo për keq.
Binjakët
Me personalitetin e tyre dhe karakteristikën e dyfytyrësisë që u atribuohet, nuk është për t’u habitur që janë në këtë listë. Binjakët përshtaten me çdo situatë dhe zgjedhin të mbajnë “maskën” që u përshtatet më mirë çdo herë. Ata i bëjnë lehtësisht të tjerët t’u besojnë, duke përdorur fjalë dhe fraza të bukura, ndërsa aftësitë e tyre të komunikimit i “joshin” të tjerët me një ndjenjë të rreme sigurie. Për të arritur qëllimet e tyre, ata mund të bëhen plotësisht manipulues.
Gaforrj
Gaforret bëhen manipuluese kur ndiejnë se po humbasin dashurinë e të tjerëve, ose kur ndjenjat e tyre nuk vërtetohen. Ata përpiqen të kontrollojnë ndjenjat e të tjerëve, sepse kanë nevojë për siguri dhe dashuri. Nuk bëhen manipulues për të arritur qëllime, si Binjakët, por për të vërtetuar veten.
Luani
“Mbreti” i zodiakut beson se vetëm rruga e tij është e duhura dhe se të gjithë duhet të ndjekin atë që ai sugjeron. Ai është i sigurt dhe nuk ka frikë të shprehë mendimin e tij, por edhe të përpiqet t’ju bindë për të drejtën e tij. Është kokëfortë dhe bëhet mjaft manipulues kur dëshiron të marrë atë që do, gjë që ndodh pothuajse gjithmonë. Qoftë në mënyrë dinake apo të drejtpërdrejtë, ai do të përpiqet t’ju çojë në “ujërat” e tij në mënyrë që të imponojë atë që beson.
Peshorja
Edhe pse mund të duket e çuditshme që ekuilibruesja e zodiakut është në këtë listë, Peshorja është mjaft manipuluese. Ndërsa e do harmoninë, ajo u tregon të tjerëve atë që duan të dëgjojnë, në mënyrë që të fitojë favorin e tyre. Nuk i pëlqen të zgjedhë anë, kështu që përpiqet të sillet mirë me të gjithë. Ashtu si Gaforret, Peshoret kanë frikë nga vetmia dhe përdorin aftësinë e tyre për të manipuluar, për t’ju mbajtur pranë vetes.
Akrepi
Një nga shenjat më manipuluese. Intuitivë dhe ambiciozë, Akrepët vëzhgojnë me kujdes mjedisin përreth dhe i mbajnë mendimet e tyre sekrete. U tregojnë të tjerëve atë që duan të dëgjojnë, janë dëgjues shumë të mirë dhe mbledhin informacione që më vonë mund t’i përdorin. Ata marrin përgjegjësi dhe janë të guximshëm, sepse thjesht duan të kenë kontrollin, por edhe të mbrojnë njerëzit e rëndësishëm në jetën e tyre.