Përgjatë viteve, kinemaja ka parë disa adaptimeve te veprës homerike “Odisea”, mbretit të humbur, i cili u kthye pas shumë viteve në shtëpinë dhe mbretërinë e tij, ndërsa të gjithë e dinin të vdekur. Teksa flitet gjithnjë e më tepër për filmin më të fundit nga regjisori i mirënjohur, Christopher Nolan, ia vlen të kujtohet një tjetër adaptim mjaft i suksesshëm: Odisea (italisht: L’Odissea).
Ky adaptim erdhi në formën e një seriali televiziv me tetë episode, një bashkëprodhim mes Italisë, Francës dhe Gjermanisë, i transmetuar për herë të parë në rrjetin shtetëror italian RAI nga 24 marsi deri më 5 maj 1968. Seriali rrëfen udhëtimin e rrezikshëm dhjetëvjeçar të heroit Odise për në shtëpi në Itakë pas Luftës së Trojës.
I drejtuar kryesisht nga Franco Rossi, me kontributë nga Piero Schivazappa dhe Mario Bava, në serial luan aktori shqiptar Bekim Fehmiu në rolin kryesor të Odiseut (Ulisse), së bashku me aktoren Irene Papas në rolin e gruas së tij besnike Penelope, Renaud Verley në rolin e djalit të tyre Telemachus. Në rolet e aktorëve mbështetës përfshihen: Barbara Bach në rolin e Nausicaa dhe Michèle Breton në rolin e perëndeshës Athena.
I xhiruar në vende të ndryshme mesdhetare në Itali dhe Jugosllavi për të evokuar botën e lashtë, filmi thekson elementët mitologjikë, siç janë takimet me Ciklopin Polifem, magjistaren Circe dhe Sirenat, ndërkohë që përzien aventurën, dramën dhe fantazinë në një kohëzgjatje që tejkalon gjashtë orë.
Fillimisht i prodhuar në italisht me dublim në frëngjisht, gjermanisht dhe anglisht për shpërndarje ndërkombëtare, “Odisea” mori vlerësime të gjera për interpretimin besnik të tekstit të Homerit, kostumet dhe skenografinë autentike të periudhës, si dhe përdorimin inovativ të kinematografisë me ngjyra nga Giuseppe Pinori, duke fituar një vlerësim 8.5/10 në IMDb.
Miniseriali u transmetua në disa vende evropiane menjëherë pas premierës së tij në Itali dhe që atëherë është bërë i disponueshëm në platforma si RaiPlay dhe YouTube, duke ndikuar në prodhimet e mëvonshme homerike me shtrirjen e tij epike dhe theksin në rezistencën njerëzore mes ndërhyrjes hyjnore.
