“Off Campus”, publikuar nga Amazon Prime është adaptim i një libri romantik mbi hokejin në akull, për të cilin transmetuesi thotë se është bërë menjëherë shfaqja e tij kryesore në të gjithë botën.
Bazuar në seritë e autores kanadeze Elle Kennedy, i cili shiti 25 milionë kopje, seriali është lavdëruar nga fansat për portretizimin e dëshirës femërore, personazhet meshkuj me inteligjencë emocionale dhe, sigurisht, aksionin sportiv me rreziqe të larta. Shfaqja ndjek jetën seksuale dhe dramat romantike të lojtarëve të hokejit në akull të kolegjit në një universitet imagjinar të Bostonit.
Graham Garrett (Belmont Cameli) është një lojtar hokeji në akull i zymtë dhe Hannah Wells (Ella Bright), një studente e shkëlqyer, është një kompozitore aspirante, dhe ata kanë shumë të ngjarë të bien në dashuri. Graham ka nevojë për nota dhe i premton se do ta ndihmojë të gjejë burrin e ëndrrave të saj. Megjithatë, ndërsa ata flasin për Kantin, Kierkegaardin, gjë që mund t’i tmerrojë filozofët, ata bien në dashuri, ngadalë, me kujdes dhe pastaj menjëherë.
Kjo histori dashurie e butë është një kënaqësi për t’u parë, sepse mund ta shohësh interesin e zjarrtë që rritet gradualisht, përmes çdo kontakti me sy, gjesti, seance studimi që pa ndryshim përfundon në një lloj zhveshjeje shpirtërore. Graham nuk është thjesht një sportist i rregullt; ai është një adoleshent i plagosur dhe i rrahur që nuk ka qenë në gjendje të largohet nga plagët e jetës së tij personale, dhe kjo përfshin babanë e tij, një lojtar yll hokeji. Frika më e keqe përvëluese e Graham përshkon si një rrymë nëntokësore gjatë gjithë sezonit: Po sikur të përfundojë si babai i tij? Po sikur edhe ai të humbasë veten në një tërbim të verbër? Ky mendim torturues shpërthen në pistën e akullit në një ndeshje vendimtare.
Nga ana tjetër, edhe Hana po përpiqet të largohet nga e kaluara e saj e dhimbshme. Ajo nuk dëshiron simpati apo predikime, dhe nuk ka nevojë për mëshirën e askujt. Intimiteti është një koncept i tmerrshëm për të, emocional dhe fizik, derisa Graham e ndihmon të çlirohet prej tij. Në episodet e para, i shihni të dy duke shembur gradualisht muret e njëri-tjetrit, me Graham që sigurohet që të mos kalojë kurrë asnjë kufi. Ai ka frikë nga vetja; por ajo nuk ka frikë nga ai.
Dhe, ndërsa këta të dy përpiqen të kuptojnë ndjenjat e tyre për njëri-tjetrin, edhe miqtë e tyre më të mirë gjenden në një situatë të vështirë. Shoqja e Hannah-s, Allie (Mika Abdalla), po përpiqet të rikuperojë veten nga një ndarje dhe gjen ngushëllim tek Dean, një yll hokeji në kulmin e tij. Ajo dëshiron që ngushëllimi të jetë i përkohshëm; por ai, padyshim, nuk dëshiron. Përsëri, një tjetër histori dashurie që lulëzon, po aq tërheqëse sa personazhet kryesore.
Pas fundit të sezonit të parë, është lajmëruar ardhja e sezonit të dytë, ku tashmë historia e Allie dhe Dean do të jetë tema kryesore e shfaqjes.
