Kënga, një hit numër 1 që zgjati gjashtë minuta e 58 sekonda, ishte ideja e Jim Steinman, një kompozitor dhe tekstshkrues i njohur më së miri për simfonitë me ritëm të lartë që krijoi për këngëtarin e fuqishëm të rokut Meat Loaf.
Steiman do të shkruante muzikën dhe tekstet për debutimin e Meat Loaf në vitin 1977, Bat Out of Hell. Albumi, fillimisht i përçmuar nga shtëpia Epic Records, përfundimisht do të shiste 43 milionë kopje në të gjithë botën dhe do ta bënte Loaf një yll roku shumë të pazakontë dhe Steinman një yll të kërkuar.
Një fanse e albumit ishte dhe këngëtarja uellsiane me zë të ngjirur, Bonnie Tyler. Zëri i saj mori karakter të ri pas një ndërhyrjeje për të hequr nyjet e kordave vokale. Kjo u dëshmua nga hiti i saj i vitit 1977 “It’s a Heartache “. Por karriera e Tyler do të rrëzohej dhe në vitin 1982, ajo ishte në shtëpinë e saj të dytë diskografike duke kërkuar një tingull të ri.
“Sapo kisha nënshkruar kontratë me Sony dhe doja të ndryshoja nga country rock në rock”, i tha ajo gazetës “Guardian” në vitin 2023. “E kisha parë Meat Loaf në emisionin Old Grey Whistle Test të BBC-së duke kënduar ‘Bat Out of Hell’, kështu që i thashë Muff Winwood (punonjës i A&R), se doja të punoja me Jim Steinman. Muff më pa çuditshmën dhe më tha se Jim nuk do ta bënte kurrë. ‘Dua vetëm ta pyesësh atë’, i thashë.”
Fillimisht, Steinman hoqi dorë nga Tyler, por çifti u takua në apartamentin e tij në Nju Jork në vitin 1982, dhe pasi vlerësoi reagimin e saj ndaj njërës prej këngëve të tij të preferuara, “Have You Ever Seen the Rain?” të Creedence Clearwater Revival dhe “Goin’ Through the Motions” të Blue Öyster Cult, ai pranoi të drejtonte albumin e saj të ardhshëm.
Këngëtarja dhe ikona e muzikës pop, Bonnie Tyler, e njohur për baladat vdiq në një spital në Portugali më 8 korrik 2026, në moshën 75-vjeçare. Vdekja e saj e papritur erdhi si pasojë e ndërlikimeve nga një sëmundje e zorrëve që kërkoi një ndërhyrje kirurgjikale urgjente në maj.