Të dielën e 31 majit habitën shumëkënd fotot e Dua Lipës së sapomartuar, duke dalë me bashkëshoritn nga Old Marylebone Toën Hall në Londër. Ceremonia ishte e thjeshtë dhe intime, me një grup të vogël familjarësh dhe miqsh, larg syrit të medias, ndërsa në veshjen e çiftit spikaste eleganca.
Lipa veshi një kostum të bardhë të personalizuar nga Schiaparelli couture, të dizenjuar nga Daniel Roseberry. Pamja përbëhej nga një xhaketë ngjyrë fildishi e qepur me kopsa të arta dhe një fund asimetrik. Ajo e shoqëroi me aksesorë: një kapelë me strehë të gjerë nga Stephen Jones, doreza të bardha dhe këpucë të bardha me majë Christian Louboutin. Ndërkohë, aktori Callum Turner ishte klasik me kostumin e tij Ferragamo me dy pjesë në ngjyrë blu të errët.
Megjithatë festa nuk ja mbaruar. Mediat e huaja shkruajnë se çifti tani po përgatiten për një festë shumë më të madhe në Siçili, në Palermo dhe Bagheria, ku pritet të organizojë një seri festimesh tre-ditore luksoze, nga 5 deri në 7 qershor.
“Besimi”, libri që solli dashurinë
Çifti është i lidhur prej muajit janar 2024 dhe shpejt duket se marrëdhënia u bë serioze. Ajo e postoi atë në faqen e saj të Instagram-it për herë të parë në maj të atij viti.
Ata u takuan për herë të parë në The River Café në Londër. Megjithatë, ata nuk u lidhën zyrtarisht deri një vit më vonë në një festë para ditëlindjes për një mik të përbashkët në Los Angeles, ku u lidhën falë leximit të të njëjtit libër, “Trust” nga Hernán Díaz.
Në tetor 2025, Turner ndau se si u takuan në festën e ditëlindjes së një miku të përbashkët në një intervistë me The Sunday Times .
“U ulëm pranë njëri-tjetrit dhe kuptuam se po lexonim të njëjtin libër, gjë që është çmenduri”, tha ai. “Titullohet “Besimi” dhe unë sapo kisha mbaruar kapitullin e parë dhe ia thashë asaj dhe ajo më shikoi dhe tha: ‘Sapo e mbarova edhe kapitullin e parë’. Unë thashë: ‘Pra, jemi në të njëjtën faqe.’”
Ai shtoi, “Në versionin filmik, shikoj lart në qiell dhe them, të dëgjoj. Të kuptoj. Shenjat janë të forta, mos u shqetëso. Dhe ky ishte vërtet momenti i parë.”
Ylli i popit konfirmoi se ajo dhe Turner ishin fejuar në një artikull të korrikut 2025 për “British Vogue”, duke thënë: “Po, jemi fejuar. Është shumë emocionuese. Ky vendim për t’u plakur së bashku, për të parë një jetë dhe thjesht, nuk e di, për të qenë miq të ngushtë përgjithmonë, është një ndjenjë vërtet e veçantë.”
Ajo gjithashtu tregoi se unaza e saj e fejesës ishte dizenjuar me porosi me kontributin e Turner. “Jam e fiksuar pas kësaj. Është diçka që më përket mua. Është mirë të dish se personi me të cilin do të kalosh pjesën tjetër të jetës të njeh shumë mirë”.