Pse filmat e Wong Kar Wai janë të paharrueshëm? Përveç përdorimit të bukur të ngjyrave të ngopura, Wong është i njohur për rrëfimin e tij poetik dhe filozofik. Filmat e tij si “In the Mood for Love” , “2046” dhe “Fallen Angels” ngrenë pyetjet më të rëndësishme të jetës rreth dashurisë, humbjes dhe kohës. Filmat e Wong-ut janë aq prekës sa një citat i vetëm ka fuqinë të ndryshojë të gjithë botëkuptimin e dikujt. Nëse jeni në humor për të menduar për jetën, ja 10 citatet më tërheqëse nga filmat e Wong Kar Wai.
Days of Being Wild (1990)
“Mendoja se ekzistonte një lloj zogu që, sapo lindte, vazhdonte të fluturonte deri në vdekje. Fakti është se zogu nuk ka shkuar askund. Ishte i vdekur që nga fillimi.”
“Gjithmonë kam menduar se një minutë fluturon. Por ndonjëherë me të vërtetë zgjatet. Njëherë, një person tregoi orën e tij dhe më tha se për shkak të asaj minute, ai do të më kujtonte gjithmonë. Ishte shumë simpatike ta dëgjoja këtë. Por tani e shikoj orën time dhe i them vetes se duhet ta harroj këtë njeri duke filluar pikërisht nga kjo minutë.”
Chungking Express (1994)
“Nëse kujtimet mund të ruhen, a do të kishin edhe ato data skadimi? Nëse po, shpresoj që të zgjasin me shekuj.”
“Në fakt, të njohësh dikë nuk do të thotë asgjë. Njerëzit ndryshojnë. Një person mund ta pëlqejë ananasin sot dhe diçka tjetër nesër.”
Ashes of Time (1994)
“Sa më shumë të përpiqesh të harrosh diçka, aq më shumë do të ngel në kujtesën tënde.”
“Rrënja e problemeve të njeriut është kujtesa. Pa një të kaluar, çdo ditë do të ishte një fillim i ri. A nuk do të ishte shumë mirë kjo?”
Fallen Angels (1995)
“Nuk e di nëse është një vendim i mirë apo jo, por të paktën është i imi.”
Happy Together (1997)
“Ndonjëherë, ndiej se veshët janë më të rëndësishëm se sytë. Për shumë gjëra, është më mirë të përdorësh veshët për të dëgjuar sesa sytë për të parë. Për shembull, kur dikush është vërtet i pakënaqur, mund të bëjë sikur është i lumtur, por zëri i tij nuk gënjen. Dëgjo me kujdes dhe do ta kuptosh!”
In the Mood for Love (2000)
Su Li-zhen: “Nuk mendoja se do të bije në dashuri me mua.”
Chow Mo-wan: “As unë nuk e dija. Isha vetëm kurioz të dija se si filloi. Tani e di. Ndjenjat mund të shfaqen menjëherë. Mendova se kisha gjithçka nën kontroll.”
2046 (2004)
“Dashuria është çështje kohe. Nuk është mirë të takosh personin e duhur shumë shpejt ose shumë vonë. Nëse do të kisha jetuar në një kohë ose vend tjetër… historia ime mund të kishte pasur një fund shumë të ndryshëm.”/VogueHongKong